६ श्रावण २०८०, शनिबार
६ श्रावण, काठमाडाैँ । थाइल्याण्डका नागरिकबाट बरामद गरिएको साढे ४ किलो पहेँलो धातु पित्तल भएको पुष्टि भएको छ । शनिबार त्रिभुवन अन्तर्राष्ट्रिय विमानस्थलस्थित भन्सार कार्यालयले थाई नागरिकबाट बरामद गरेको थियो ।
त्रिपुरेश्वरस्थित प्रयोगशालामा परीक्षण गर्दा उक्त परिमाणको पहेँलो धातु पित्तल भएको पुष्टि भएको हो ।
भन्सार कार्यालयका कर्मचारीले बैंककबाट काठमाडौं आइपुगेका थाई नागरिकबाट १० थान बिस्कुट आकारको पहेँलो धातु जफत गरेका थिए । अहिले उनले ल्याएको धातु थाई नागरिकलाई नै हस्तान्तरण गरिएको बताइएको छ ।
ती थाइ नागरिकले लुम्बिनीमा चढाउनका लागि उक्त धातु ल्याएको बताएका छन् ।
प्रकाशित मिति: ६ श्रावण २०८०, शनिबार
