२२ माघ २०७९, आईतवार
काठमाडौं । प्रधानमन्त्री पुष्पकमल दाहाल प्रचण्डले संसदमा प्रतिनिधित्व गर्ने दलका नेता तथा प्रमुख सचेतकलाई बालुवाटार बोलाएका छन् ।
सदनलाई दिनुपर्ने बिजनेसबारे छलफल गर्न प्रधानमन्त्री दाहालले संसदमा प्रतिनिधित्व गर्ने दलका प्रतिनिधिलाई निमन्त्रणा गरेको माओवादी प्रमुख सचेतक हितराज पाण्डेले बताए । उनकाअनुसार विहान ९ बजे दलका नेता तथा सचेतकहरुको उपस्थितिमा बिजनेस तय गरिनेछ ।
राप्रपाका प्रमुख सचेतक ज्ञानबहादुर शाहीले संसदको बिजनेस तय गर्न बालुवाटारबाट बोलावट भएको बताए ।
सरकारले न्यूनतम साझा कार्यक्रममा यही अधिवेशनभित्र एक दर्जन कानुन बनाउने उल्लेख गरेको छ ।
प्रकाशित मिति: २२ माघ २०७९, आईतवार
