२८ असार २०८०, बिहीबार
२८ असार, काठमाडाैँ । एक नेपालीमाथि दिल्ली प्रहरीमा एक उजुरी परेको छ । टोरन्टोबाट नयाँ दिल्लीका लागि उडेको एयर इन्डियको विमानका चालक दलका सदस्यमाथि दुर्व्यवहार गरेको र शाैचालयको ढोका फोडेको भन्दै प्रहरीमा उजुरी परेको हो ।
पिडीत क्याबिन सुपरभाइजर आदित्य कुमारले दिएको उजुरीमा नेपालका महेश सिंह पण्डितले २६-इ सिट परिवर्तन गरेर २६-एफ मा गइ इकोनोमि क्लासका क्रु मेम्बरमाथि दुर्वव्यवहार गरेको उल्लेख गरिएको छ ।
आदित्य कुमारले उनले दुर्व्यवहार गरेपछि पाइलट कमाण्डमा खबर गरेर सामान्य चेतावनी दिइएको थियो । तर, उनीहरूले खाना खाइसकेपछि महेशलाई चुरोट, लाइटर र चुरोटको गन्ध सहितको अवस्थामा फेला पारेका थिए ।
उनले धक्कामुक्का गर्दै ३एफ-आरसी शाैचालयको ढोका फुटाएको पनि उनले उजुरीमा उल्लेख गरेका छन् । पाइलटले निर्देशन दिएपछि अर्का क्रु पुनित शर्मा र चार यात्रुहरूको सहयोगमा महेशलाई नियन्त्रण गरिएको थियो।
दिल्ली प्रहरीले इन्डियन पेनल कोडको ३२३/५०६/३३६ धारा अन्तर्गत उजुरी दर्ता गरेर अनुसन्धान अघि बढाएको जानकारूी दिइएको छ ।
प्रकाशित मिति: २८ असार २०८०, बिहीबार
