२४ असार २०८०, आईतवार
२४ असार, काठमाडाैँ । नक्कली भुटानी शरणार्थी प्रकरणमा नेपाली कांग्रेसकी केन्द्रीय सदस्य एवम् सांसद डा. आरजु राणा देउवाको नाम लिइएको अडियो म्याचिङ फेला परेको छ । उक्त अडियो सन्देश शर्माको आवाजसँग म्याच भएको बताइएको छ ।
शर्मा नक्कली भुटानी शरणार्थी प्रकरणमा परेका छन् । अहिले उनी संगठित अपराध कसूर मुद्दामा अनुसन्धानका लागि थुनामा रहेका छन् ।
आरजुले सामाजिक सञ्जालमा सार्वजनिक भएको अडियो फेक भएको र चरित्र हत्या भएको भन्दै अनुसन्धानका लागि नेपाल प्रहरीको साइबर ब्यूरोमा निवेदन दिएकी थिइन् । सोही निवेदनपछि प्राविधिक परीक्षण गर्दा अडियो शर्मासँग मिलेको बताइएको हो ।
प्रहरीले यस विषयमा थप अनुसन्धान जुटाइरहेको जानकारी दिएको छ । यसका लागि टिकटकमा पहिलो पटक कसले अडियो अपलोड गरेको थियो भन्ने विवरण प्रहरीले टिकटक सिंगापुरसँग मागिरहेको छ ।
प्रकाशित मिति: २४ असार २०८०, आईतवार
