२१ असार २०८०, बिहीबार
२१ असार, काठमाडाैँ । लर्ड अफ ड्रिंक्स (एलओडी) क्लबका दुई सञ्चालकविरूद्ध पक्राउ पूर्जी जारी भएको छ ।
१६ वर्षीया नाबालिगको ललितपुरमा बलात्कार भएको घटनामा प्रहरीले उनीहरूविरूद्ध पक्राउ अनुमति लिएको हो ।
जिल्ला प्रहरी परिसर ललितपुरले काठमाडौं जिल्ला अदालतबाट सञ्चालक रुदिलबल्लव श्रेष्ठ र राजुसिंह सुवालविरूद्ध पुर्जी लिएको बताइएको छ ।
गत जेठ ३१ गते बुधबार राति ललितपुरको बागडोलमा १६ वर्षीया नाबालिगको बलात्कार भएको थियो । सो अभियोगमा प्रहरीले ५० वर्षीय सुदन कोइरालालाई पक्राउ गरेको थियो ।
उनले एलओडी भेटेकी बालिकालाई बागडोल पुर्याएर बलात्कार गरेको अभियोग छ । नाबालिगलाई प्रवेश गर्न दिएको भन्दै प्रहरीले उनीहरूविरूद्ध पक्राउ अनुमति लिएको हो ।
प्रकाशित मिति: २१ असार २०८०, बिहीबार
