२१ असार २०८०, बिहीबार
२१ असार, काठमाडाैँ । संस्कृति पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरण (क्यान)का महानिर्देशक प्रदीप अधिकारीलाई पुनः स्पष्टीकरण सोधेको छ ।
अधिकारीलाई गत असार ११ गते ९ बुँदे प्रश्न सोधिएकोमा उनले जवाफ नदिएपछि पुनः स्पष्टीकरण सोधिएको हो । अधिकारीलाई के कति कारणले जवाफ नपठाएको भन्दै बुधबार मन्त्रिस्तरीय निर्णयबाट पुनः स्पष्टीकरण सोधिएको बताइएको छ ।
अधिकारीलाई स्पष्ट जवाफ ३ दिनभित्र लेखेर पठाउन अनुरोध गर्दै जवाफ नपठाएको खण्डमा कानूनअनुसार प्रकृया अगाडि बढ्ने पत्रमा उल्लेख गरिएको छ ।
प्रकाशित मिति: २१ असार २०८०, बिहीबार
