२१ असार २०८०, बिहीबार
२१ असार, काठमाडाैँ । राष्ट्रिय स्वतन्त्र पार्टीका सांसद मनिष झाले प्रधानमन्त्री पुष्पकमल दाहाल प्रचण्डलाई विश्वासको मत दिएकोमा लाज लागेको बताएका छन्। बुधबार संसद बैठकपछि पत्रकारहरूसँग बोल्दै उनले दुई/दुई पटक विश्वासको मत दिएको लज्जाबोध भएको बताएका हुन् ।
उनले भनेका छन्, ‘‘मलाई लाज लागिरहेको छ मैले कस्तो व्यक्तिलाई मत दिएको रहेछु, त्यो पनि दुई/दुई पटक । जसले भावनामा बगेर यस्तरी बोल्नुहुन्छ कि म को भएर बोल्दैछु, सम्माननीय प्रधानमन्त्री भएर मैले कसरी बोल्ने, के बोल्ने, के नबोल्ने भन्ने बिर्सनुहुँदो रहेछ।’
प्रधानमन्त्री प्रचण्डले असार १८ गते पुस्तक विमोचनका क्रममा अमीत सिंहले आफूलाई प्रधानमन्त्री बनाउने धेरै पटक दिल्ली धाएको अभिव्यक्ति दिएका थिए। सोही अभिव्यक्तिका कारण उनि आलोचित भइरहेका छन्।
बुधबार नै प्रमुख प्रतिपक्षी दल एमालेले संसद् अवरूद्ध गर्दै प्रधानमन्त्री प्रचण्डको राजिनामा मागेको थियो।
प्रकाशित मिति: २१ असार २०८०, बिहीबार
