१९ असार २०८०, मंगलवार
१९ असार, काठमाडाैँ । ललिता निवास प्रकरणमा जोडिएकालाई पक्राउ नगर्न दिएको अन्तरिम आदेश विरूद्ध केन्द्रीय अनुसन्धान ब्युरो (सिआइबी) अदालत गएको छ ।
सिआइबीले मंगलबार उक्त प्रकरणमा जोडिएका १७ जनालाई पक्राउ नगर्न दिएको अन्तरिम आदेश खारेजीको माग गर्दै सर्वोच्च अदालतमा निवेदन दिएको हो ।
अदालतको सोही अन्तरिम आदेशका कारण सिआइबीले पक्राउ गरेका कलाधर देउजा, हुपेन्द्रमणि केसी र सुरेन्द्रमान कपालीलाई छोडिएको थियो ।
१७ जनाले आफूलाई पक्राउ गर्न सक्ने सम्भावना रहेको भन्दै सर्वोच्चमा रिट दर्ता गराएका थिए । सोही रिटमा सर्वोच्चबाट अन्तरिम आदेश भएको थियो ।
२०७९ साउन १९ मा न्यायाधीश ईश्वर खतिवडाको इजलासले अनुसन्धानका क्रममै उनीहरू १७ जनालाई थुनामा बस्नु नपर्ने गरी आदेश दिएको थियो ।
प्रकाशित मिति: १९ असार २०८०, मंगलवार
