१७ असार २०८०, आईतवार
१७ असार, काठमाडाैँ । श्री एयरलाइन्सका आज निर्धारित सबै उडान स्थगित भएका छन् । एयरलाइन्सले शनिबार राती प्रेस विज्ञप्ति जारी गर्दै आजका सबै उडान स्थगित गरेको जानकारी गराएको थियो । सोही अनुरूप सबै उडान स्थगित भएका हुन् ।
एयरलाइन्सका कर्पोरेट प्रबन्धक अनिल मानन्धरले उडान स्थगित गरी कम्पनीका सबै विमानको प्राविधिक परीक्षण गर्ने निर्णय भएकाले आजका सबै उडान स्थगित गरिएको बताएका थिए। सोमबारदेखि भने सबै उडान नियमित हुनेछ।
शनिवार ३ः३० बजे काठमाडौंबाट धनगढीका लागि उडेको विमानमा प्राविधिक समस्या आई पुनः काठमाडौं नै फिर्ता ल्याई अवतरण गरिएको थियो। यसपछि एयरलाइन्सले आज आफ्ना सबै विमानको प्राविधिक परीक्षण गर्ने निर्णय गरेका कारण सबै उडान स्थगित गरिएको हो।
प्रकाशित मिति: १७ असार २०८०, आईतवार
