११ असार २०८०, सोमबार
११ असार ,काठमाडौँ । प्रेस युनियनको काठमाडौं शाखाको अध्यक्षमा महेश्वर गौतम र सचिवमा सन्तोष अधिकारी विजयी भएका छन् ।
आज काठमाडौंको लैनचौरमा भएको निर्वाचनमा काठमाडौं शाखाको प्रेस युनियन अध्यक्षमा महेश्वर गौतम विजयी भएका हुन् ।त्यस्तै सचिवमा सन्तोष अधिकारी विजयी भएका छन् ।
अध्यक्षमा दिलिप प्रकाश कार्की, र महेश्वर गौतमले उम्मेदवारी दिएका थिए । त्यस्तै सचिवका लागि केशवप्रसाद पाण्डे र सन्तोष अधिकारीले उम्मेदवार दिएका थिए ।
युनियनले उपाध्यक्ष, सहसचिव, कोषाध्यक्ष र सदस्यहरु सर्वसम्मत टुंगो लगाएको थियो । उपाध्यक्षमा रोमन आचार्य, कल्पना खड्का र श्रद्धा कोइराला चुनिएका छन् । त्यस्तै सहसचिवमा पूजा बगाले र कोषध्यक्षमा प्रदिप कार्की चयन भएका छन् । अन्य २० जना सदस्यहरुसमेतको प्रेस युनियन काठमाडौं शाखाको कार्यसमिति बनेको छ ।
कुल ४५२ मत खसेकोमा अध्यक्ष गौतमले ३१० मत ल्याएर विजयी भएका थिए भने उनका प्रत्यासी कार्कीले १२९ मात्रै मत ल्याएका हुन । त्यस्तै सचिवमा अधिकारीले २८५ मत ल्याएर विजयी भए भने उनका प्रत्यासी पाण्डेले भने १५९ मात्रै मत प्राप्त गरे । ११ मत भने बदर भएकाे छ ।
प्रकाशित मिति: ११ असार २०८०, सोमबार
