२५ जेष्ठ २०८०, बिहीबार
२५ जेठ, काठमाडाैँ । एएफसी महिला यू–२० एसिया कप छनोट खेलमा नेपालले चीनसँग फराकिलो हार खेपेको छ । म्यानमारमा जारी छनोट खेलमा नेपाल बिहीबार चीनसँय ५–० गोलले पराजित भयो ।
नेपालको यो लगातार दोस्रो हार हो । समूह ‘बी’को पहिलो खेलमा नेपाल आयोजक म्यानमारसँग ५–० गोलले नै पराजित भएको थियो । चीनसँग पहिलो हाफमा चार गोल खाएको नेपालले दोस्रो हाफमा एक गोल खाएको थियो ।
चीनको जितमा युयाङ युहानले १६औं , होउ युछिनले २६औं, यिन लिहोङर लु ज्यायुलले पहिलो हाफको इन्जुरी समयमा गोल गर्नुभएको थियो । अर्को गोल ८९औं मिनेटमा यु जिकीले थप्नुभएको थियो ।
लगातार दोस्रो हारसँगै नेपालको छनोट सम्भावना कमजोर बनेको छ । नेपालले समूह चरणको अन्तिम खेलमा शनिबार चाइनिज ताइपेइसँग प्रतिस्पर्धा गर्नेछ ।
प्रकाशित मिति: २५ जेष्ठ २०८०, बिहीबार
