३० बैशाख २०८०, शनिबार
३० वैशाख, धादिङ। धादिङमा गुडिरहेको बसमा अचानक आगलागी भएको छ ।
शनिबार बिहान नीलकण्ठ नगरपालिका-१ पात्लेबाट काठमाडौं आउँदै गरेको ग १ ख ४८४६ नम्बरको बसमा अचानल आगो लागेको प्रहरीले जानकारी दिएको छ । उक्त बसमा ३३ यात्रु सवार रहेको र सबै सकुशल रहेको प्रहरीले जनाएको छ।
बसको इन्जिनबाट धुवाँ निसक्नेबित्तिकै सबै यात्रुलाई बाहिर निकाल्न सफल भएकाले कुनै मानवीय क्षति नभएको बताइएको छ । स्थानीय र दमकलको सहयोगमा गाडीमा लागेको आगो नियन्त्रणमा लिइएको छ ।
प्रकाशित मिति: ३० बैशाख २०८०, शनिबार
