२९ बैशाख २०८०, शुक्रबार
२९ वैशाख, पोखरा । गण्डकी प्रदेशमा मन्त्रिमण्डल विस्तार भएको छ । मुख्यमन्त्री सुरेन्द्रराज पाण्डेले शुक्रबार मन्त्रिमण्डल विस्तार गरेका हुन् ।
गण्डकी प्रदेश प्रमुखको कार्यालयका प्रवक्ता चण्डीप्रसाद अर्यालले दिएको जानकारी अनुसार ४ जना मन्त्रीमा नियुक्त भएका छन् । यद्यपी, उनीहरूको मन्त्रालय भने तोकिएको छैन ।
शुक्रबार नेपाली कांग्रेसबाट महेन्द्रध्वज जिसी र दीपेन्द्रबहादुर थापा, नेकपा एकीकृत समाजवादीबाट राजीव गुरुङ (दीपक मनाङे) र नेकपा माओवादी केन्द्रबाट रेशमबहादुर जुग्जाली मन्त्रिमा नियुक्त भएका छन् ।
उनीहरूको सपथ ग्रहण कार्यक्रम आज ४ बजे राखिएको छ ।
गत वैशाख ९ गते नेकपा एमालेका खगराज अधिकारी नेतृत्वको सरकार ढलेपछि कांग्रेस–माओवादीसहितको गठबन्धनबाट पाण्डे १४ गते मुख्यमन्त्री नियुक्त भएका थिए ।
शुक्रबार विस्तारित सहित गण्डकीको मन्त्रिमण्डल ७ सदस्यीय भएको छ ।
प्रकाशित मिति: २९ बैशाख २०८०, शुक्रबार
