१३ बैशाख २०८०, बुधबार
१३ वैशाख, काठमाडाैँ । राष्ट्रिय सभाबाट संसदीय समितिमा तीन जना चयन भएका छन् । बुधबार बसेको राष्ट्रिय सभाको बैकठबाट संसदीय समितिमा रहने तीन जनाको नाम टुंगो लगाएको हो ।
नेकपा माओवादी केन्द्रका जगप्रसाद शर्मा, नेकपा एमालेका देवेन्द्र दाहाल र नेपाली कांग्रेसका रमेशजंग रायमाझी राष्ट्रिय सभाबाट संसदीय सनुवाइ समितिमा परेका छन् ।
संसदीय समिति १५ सदस्यीय हुन्छ । उक्त समितिमा राष्ट्रिय सभाबाट ३ र प्रतिनिधि सभाबाट १२ जना सदस्य चयन हुने छन् ।
प्रतिनिधि सभाले पनि आजै समिति गठनका लागि नाम प्रस्ताव गर्ने बताइएको छ । प्रतिनिधिसभाबाट कांग्रेस र एमालेका ४-४ तथा माओवादी केन्द्र, राष्ट्रिय स्वतन्त्र पार्टी, राप्रपा र जनता समाजवादी १-१ जना सदस्य समितिमा चयन हुने बताइएको छ ।
प्रकाशित मिति: १३ बैशाख २०८०, बुधबार
