१२ बैशाख २०८०, मंगलवार
१२ वैशाख, काठमाडाैँ । नेपाली कांग्रेसका सांसद धनराज गुरूङले बाँदर निर्यात गर्नुपर्ने विचार व्यक्त गरेका छन् ।
आज प्रतिनिधि सभा बैठकमा बोल्दै कांग्रेस उपसभापतिसमेत रहेका गुरूङले श्रीलङ्काको उदाहरण दिँदै उनले बाँदर निर्यात गर्न सकिने बताएका हुन् ।
उनले भने, ‘हाम्रा गाउँ-गाउँमा बाँदर आतंक छ। किसानले लगाएको बाली टिप्ने बेला बाँदरको हुलले लैजान्छ। हामीले पनि बाँदर निर्यात गरिदिए कसो होला?’
‘बाँदर निर्यात गर्दा ठिकै हुन्छजस्तो मलाई लाग्छ,’ उनले थपे ।
उनले बाँदर आतंक अन्त्य गर्न सरकारसँग माग समेत गरेका छन् ।
प्रकाशित मिति: १२ बैशाख २०८०, मंगलवार
