१२ बैशाख २०८०, मंगलवार
१२ वैशाख, चितवन । राष्ट्रिय स्वतन्त्र पार्टीका सभापति पुनः प्रतिनिधिसभा सदस्यमा निर्वाचित भएका छन् । गत आइतबार भएको उपनिर्वाचनको मतगणना सकिएसँगै लामिछाने पुनः विजयी भएका हुन् ।
रवि लामिछानेले चितवन २ मा ५४१७५ मत पाए भने दोस्रो स्थानमा रहेका नेपाली कांग्रेसका उम्मेदवार जितनारायण श्रेष्ठले ११११४ मत पाएका छन् । अन्तिम मत परिणाम अनुसार लामिछाने ४३ हजार भन्दा बढी मतान्तर सहित विजयी भएका हुन् ।
यसभन्दा अघि गत मंसिरमा भएको आम निर्वाचनमा पनि लामिछाने करीब ४० हजार मतले विजयी भएका थिए । तर, नागरिकता सम्बन्धि मुद्दामा दोषी देखिएपछि उनको सांसद पद खारेज भएको थियो । सोही कारण उक्त क्षेत्रमा उपनिर्वाचन भएको हो ।
उपनिर्वाचन भएको तनहुँ १ मा पनि राष्ट्रिय स्वतन्त्र पार्टीका स्वर्णिम वाग्ले विजयी भएका छन् । त्यस्तै, बारा २ मा भने स्वतन्त्र पार्टीका रमेश खरेल पछि परिरहेका छन् । उक्त क्षेत्रमा गठबन्धनको पक्षबाट उठेका उपेन्द्र यादव अघि रहेका छन् ।
प्रकाशित मिति: १२ बैशाख २०८०, मंगलवार
