२९ पुष २०७९, शुक्रबार
शब्दयात्रा प्रकाशनले ‘शब्दयात्रा समालोचना सम्मान, २०७९’ साहित्यकार तथा अनुवादक डा रामदयाल राकेशलाई समर्पण गर्ने भएको छ ।
उहाँ नेपाली, हिन्दी, मैथिली र अङ्ग्रेजी भाषाका समालोचक हुनुहुन्छ । समालोचना विधामा ‘नेपाली कविता विभिन्न आयाम’, ‘नेपाली साहित्य विभिन्न आयाम’, ‘नेपाली समालोचना विभिन्न आयाम’ जस्ता पुस्तक लेखी प्रकाशन गराउनाका साथै नेपाली र मैथिलीभाषी साहित्यलाई हिन्दी एवं अङ्ग्रेजी भाषी पाठकसमक्ष प्रस्तुत गरेर विशिष्ट योगदान गर्नुभएको छ । राकेशले नेपाली साहित्य क्षेत्रमा पु¥याउनुभएको योगदानको कदर गर्दै सम्मान समर्पण गर्ने निर्णय गरिएको प्रकाशनका अध्यक्ष हरि मञ्जुश्रीले जानकारी दिनुभयो । लेखक लालानाथ सुवेदी र उहाँको परिवारले आफ्ना मातापिता पद्मकला–भीमप्रसाद सुवेदीको स्मृति तथा सम्मानमा यो पुरस्कार व्यवस्था गरिदिनुभएको हो ।
अक्षयकोषको ब्याजबाट हरेक वर्ष यो सम्मान समर्पण गरिन्छ । पुरस्कारको राशि रु पाँच हजार नगद दोसल्ला र सम्मानपत्र रहेको उहाँले बताउनुभयो ।
प्रकाशित मिति: २९ पुष २०७९, शुक्रबार
