२० आश्विन २०८३, मंगलवार
काठमाडौं । उदयशमशेर जबराले नेपाली काँग्रेसको महामन्त्री पदमा उम्मेदवारी दर्ता गराएका छन् ।
मंगलवार राष्ट्रिय सभा गृह पुगेर राणाले महामन्त्री खुलातर्फको पदमा मनोनयन दर्ता गराएका हुन् । मनोनयन दर्ता गराउँदै राणाले पार्टीलाई सुदृढ बनाउन आफूले महामन्त्री पदमा उम्मेदवारी दिएको बताएका छन् । उनले अबको समयमा पार्टी नेतृत्वले बोल्ने र भाषण गर्ने मात्र नभइई डेलिभरी दिनुपर्ने कुरामा जोड दिएका छन् ।
उनले भने, ‘अब नेतृत्वको जिम्मेवारी बोलेर र भाषण गरेर मात्र पुरा हुँदैन । त्यसकारण मैले पार्टीको जुन जुन तहमा जिम्मेवारी पाएको छुँ, सबै तहको जिम्मेवारी पूरा गरेको छु । म तरुण दलमा हुँदा र अहिले सहमहामन्त्री हुँदा पनि मैले डेलिभरी दिएको छु । अझै पनि महामन्त्रीको भूमिका पाएँ भने डेलिभरी भूमिका निर्वाह गर्छु भन्ने मेरो धारणा छ ।’
१५औँ महाधिवेशनअन्तर्ग काँग्रेसले दुई महामन्त्रीलाई बढाएर तीन पुर्याइएको छ । जसमा २ खुला र १ महिलाले मात्र प्रतिस्पर्धा गर्न पाउने छन् ।
प्रकाशित मिति: २० आश्विन २०८३, मंगलवार
