१७ आश्विन २०८३, शनिबार
काठमाडौँ । टर्की र युक्रेनबीच लामो समयदेखि प्रतिक्षित स्वतन्त्र व्यापार सम्झौता आधिकारिक रूपमा कार्यान्वयनमा आएको छ ।
टर्कीको व्यापार मन्त्रालयले बिहीबार एक विज्ञप्ति जारी गर्दै दुई देशबीचको आर्थिक सम्बन्धलाई नयाँ उचाईमा पु¥याउने लक्ष्यसहित यो सम्झौता लागू भएको जनाएको छ । टर्कीको व्यापार मन्त्रालयकाअनुसार यो सम्झौताले दुई देशबीचको व्यापारिक सम्बन्धलाई थप सुदृढ र अनुमानयोग्य बनाउनेछ । हालको विश्वव्यापी आर्थिक परिवेशमा दुवै राष्ट्रका व्यवसायीहरूका लागि प्राथमिकतायुक्त व्यापारिक अवसरहरू कायम राख्न यो सम्झौताले एक बलियो नीतिगत आधार प्रदान गर्ने मन्त्रालयको विश्वास छ ।
सम्झौताको मुख्य कार्यान्वयन पक्षका रूपमा, वस्तु व्यापारमा लाग्ने भन्सार महशुलसम्बन्धी नयाँ व्यवस्थाहरू सन् २०२७ जनवरी १ देखि पूर्ण रूपमा लागू हुनेछन् । यसले दुवै देशका निर्यातकर्ता र आयातकर्ताहरूलाई स्पष्ट व्यावसायिक मार्गचित्र प्रदान गर्ने अपेक्षा गरिएको छ । स्मरण रहोस्, टर्की र युक्रेनले यस ऐतिहासिक व्यापार सम्झौतामा फेब्रुअरी ३, २०२२ मा हस्ताक्षर गरेका थिए । उक्त समयमा दुवै मुलुकले छोटो अवधिमै आफ्नो द्विपक्षीय व्यापारको आकार १० अर्ब अमेरिकी डलर पु¥याउने महत्वाकांक्षी लक्ष्य निर्धारण गरेका थिए ।
जारी गरिएको विज्ञप्तिले वर्तमान विश्व राजनीतिक र आर्थिक चुनौतीका बाबजुद पनि दुई देशबीचको आर्थिक साझेदारीलाई अघि बढाउने प्रतिबद्धतालाई पुनः पुष्टि गरेको छ ।
प्रकाशित मिति: १७ आश्विन २०८३, शनिबार
