१७ भाद्र २०८३, बुधबार
काठमाडौं। प्रभु महालक्ष्मी लाइफ इन्स्योरेन्स लिमिटेडले रसुवाको भोटेकोशी नदीमा भदौ १० गते आएको विनाशकारी बाढीबाट प्रभावित परिवार तथा समुदायको राहत, उद्धार र पुनःस्थापनाका लागि प्रधानमन्त्री दैवी प्रकोप उद्धार कोषमा ५१ लाख रुपैयाँ आर्थिक सहयोग प्रदान गरेको छ।
कम्पनीले सामाजिक उत्तरदायित्व (CSR) अन्तर्गत उक्त सहयोग उपलब्ध गराएको जनाएको छ। बाढीबाट प्रभावित परिवार तथा समुदायप्रति गहिरो समवेदना व्यक्त गर्दै विपद्को यस कठिन घडीमा साथ र ऐक्यबद्धता जनाउने उद्देश्यले सहयोग गरिएको कम्पनीको भनाइ छ।
कम्पनीले प्राकृतिक विपद्बाट प्रभावित नागरिकहरूको राहत, उद्धार तथा पुनःस्थापनामा सहयोग पुर्याउन आफू सधैं प्रतिबद्ध रहने जनाएको छ।
प्रकाशित मिति: १७ भाद्र २०८३, बुधबार
