२८ बैशाख २०८३, सोमबार
काठमाडौँ । राष्ट्रिय स्वतन्त्र पार्टी (रास्वपा)ले पार्टी केन्द्रिय समितिको बैठक अगामी जेठ ३० गते आह्वान गर्ने निर्णय गरेको छ ।
आईतवार पार्टी केन्द्रिय कार्यालयमा बसेको पार्टी सचिवालयको बैठकले यस्तो निर्णय गरेको प्रवक्ता मनिष झाले बताएका छन् । उनकाअनुसार बैठकले पार्टी हित विपरीत कार्य गरेका १५ जना सदस्यहरूको सदस्यता खारेजी गर्ने निर्णय समेत गरेको छ । उहाँले बारा जिल्ला कमिटी विघटन गरी जिल्ला अधिवेशन निर्णय समेत बैठकले गरेको बताए । उनकाअनुसार बैठकले र्यापिड एक्सन टिमको समन्वय विभाग प्रमुखमा बैकुण्ठ थापा र उपप्रमुख बिदुर खड्कालाई मनोनयन गरेको छ । साथै स्टार्टअप विभाग प्रमुख डा. प्रभात अधिकारी, सचिवमा हरि जोशीलाई मनोनयन गरिएको प्रवक्ता झाले बताएका छन् । त्यसैगरी पार्टीको शिक्षा विभाग प्रमुखमा मिलन पाण्डेलाई मनोनित गरिएको बताएका छन् ।
बैठकले वडा र पालिका अधिवेशनको कार्यतालिका समेत स्वीकृत गरेको झाले बताए । अगामी जेठ ३ गते वडा अधिवेशन र अगामी जेठ १० गते पालिका अधिवेशन गर्ने निर्णय भएको झाको भनाइ छ ।
प्रकाशित मिति: २८ बैशाख २०८३, सोमबार
