२१ फाल्गुन २०८२, बिहीबार
काठमाडौँ। निर्वाचन आयुक्त डा.जानकीकुमारी तुलाधरले प्रतिनिधि सभा सदस्य निर्वाचनमा मतदान गर्नुभएको छ ।
बिहीवार जारी प्रतिनिधि सभा सदस्य निर्वाचनको लागि लमजुङस्थित सुन्दर बजार नगरपालिका–२ महेन्द्र माविस्थित मतदान केन्द्रबाट मतदान गर्नुभएको हो । आज प्रतिनिधि सभा सदस्यका लागि देशभरका १६५ प्रत्यक्ष र ११० वटा समानुपातिक सिटमा मतदान जारी छ । देशभर उल्लासमय रुपमा मतदान भइरहेको निर्वाचन आयोगले जनाएको छ ।
मतदान गरेपछि सञ्चारकर्मीहरुसँग कुरा गर्दै आयुक्त तुलाधरले निर्धक्कका साथ मतदान केन्द्रमा गएर मतदान गर्न आह्वान गर्नुभयो । समयमै मतदान गर्न पनि उहाँले आग्रह गर्नुभयो ।
प्रकाशित मिति: २१ फाल्गुन २०८२, बिहीबार
