नेपाली र भारतीय फिल्मका चर्चित अभिनेता सुनिल थापाको निधन

काठमाडौँ । नेपाली चलचित्रका चर्चित खलनायक अभिनेता सुनिल थापाको निधन भएको छ। उनको हृदयाघातका कारण आज बिहान थापाथलीस्थित नर्भिक अस्पतालमा  मृत्यु भएको कलाकार संघले जनाएको छ।

‘राते काइँला’ नामले परिचित थापाले नेपाली र भारतीय चलचित्रमा दशकौँसम्म अभिनय गरे। खलनायकको भूमिकालाई नायकसरह उचाइमा पुर्‍याएका उनी शंखमुलस्थित अपार्टमेन्टमा बस्दै आएका थिए।