२० मंसिर २०८२, शनिबार
काठमाडौँ। शहरी विकासमन्त्री कुलमान घिसिङ कुलमान घिसिङले काठमाडौ उपत्यकाभित्रका नदीहरुलाई सफा गर्न धेरै फोहोर पानी प्रशोधन प्लान्ट बनाउने तयारी गरिररहेको बताएका छन् ।
थापाथलिस्थित वागमती करिडोरमा निर्माणाधिन फोहोर पानी प्रशोधन प्लान्टको शनिवार निरीक्षण गर्दैउनले वागमती, विष्णुमती, धोबीखोला लगायतका नदीहरुलाई सफा गर्नको लागि धेरै प्रशोधन प्लान्ट आवश्यक पर्ने बताएका छन् । सबै नदी सफा गर्नको लागि प्रतिदिन ६ सय एमएलडीको प्लान्ट चाहिने उनले जानकारी दिएका छन् । उनकाअनुसार हाल उपत्यकामा निर्माणधिन प्लान्टहरु यसको २० प्रतिशत मात्रै भएको बताए । उनले वागमती नदी सफा गर्नको लागि गुह्येश्वरीमा प्लान्ट बनेको र अन्य केही ठाउँहरुमा पनि बन्ने क्रममा रहेको जानकारी दिएका छन् । थापाथली करिडोरमा बनेको प्लान्टले टुकुचाको ढललाई सफा गरेर पानीलाई वागमतीमा फाल्ने उनको भनाई छ । उनले एडिबीको ३ अर्ब १८ करोड लगानीमा प्लान्ट निर्माणको काम भइरहेको जानकारी दिंदै प्लान्ट निर्माणमा केही ढिलाई भएको स्वीकार गरेका छन् । रुख कटानीमा ढिलाई र लालितपुरतर्फ पर्ने भूभागमा स्थानियको विरोधले काम रोकिँदा ओभरल प्राजेक्टमा नै केही ढिलाई हुने देखिएको उनको भनाई छ । विवाद समाधान गर्न आवश्यक छलफल गर्ने बताउदै उनले काठमाडौंतिर बन्ने संरचनाहरु भने करिब डेढ वर्षभित्र सम्पन्न हुने बताएका छन् । प्लान्टको संरचना काठमाडौ महानगर र ललितपुरमहानगरमा बन्न लागेको छ ।
उनले भने, ‘वेस्ट वाटर ट्रिटमेण्ट प्लान्टले टुकुचाको सम्पूर्ण ढल सिष्टमलाई सफा गर्छ र पानीलाई वागमतीमा फाल्छ । एडिबीको सहयोगमा काम भईरहेको छ । दुई वटा कारणले अलिकति ढिलो भएको छ, यो । एउटा रुख कटानीमा डेढदुई वर्ष लाग्यो, यो क्षेत्रमा साईट क्लिरियन्स गर्न । यसको कही पार्ट ललितपुर महानगरपालिका पट्टी पर्छ, त्यो पार्टमा स्थानीयको विरोध भएको हुनाले काम गर्न सकिएको छैन । पारीपट्टीको काम रोकिँदा ओभरल प्राजेक्टमा नै केही ढिलाई हुने देखिन्छ । यसलाई हामीले कसरी व्यवस्थापन गर्ने भन्ने विषयमा छलफल गरेर अगाडी बढाउँछौँ । बाँकी यता बनिरहेको स्टक्चरहरु चाहीँ करिव करिव एक डेढ वर्षभित्र सम्पन्न हुने देखिन्छ । यस्तै ट्रिटमेन्ट प्लान्टहरु हामीले धेरै ठाउँमा बनाउने योजना गरेका छौँ । यसले बाग्मतीलाई सफा गर्छ । फोहोर वागमती सफा देखाउनको लागि ट्रिटमेण्ट प्लान्टहरु बनाउनपर्छ । गुह्येश्वरीमा बनेको छ, एउटा । अरु एकदुई ठाउँमा पनि बनिरहेको छ, सानो सानो । वागमति, विष्णुमती, धोवीखोला सबैलाई सफा गर्नको लागी ट्रिटमेण्ट प्लान्टहरु धेरै नै चाहिन्छ । उपत्यकाका नदी सफा गर्नको लागि धेरै ट्रिटमेण्ट प्लान्टहरु बनाउने योजनामा छौँ ।’
उनले हरेक परियोजनामा रुख कटाईमा समस्या हुने गरेको र सहजै रुख काट्न नपाइने कारण विकास निर्माणका काममा ढिलाई हुने उनको भनाई छ । उनले नदीहरुका ढल प्रशोधनका लागि सरकारले काम गरिरहेको जानकारी दिएका छन् ।
प्रकाशित मिति: २० मंसिर २०८२, शनिबार
