२४ कार्तिक २०८२, सोमबार
काठमाडौँ। नेपाली काँग्रेसका नेता एवं पूर्वउपप्रधानमन्त्री प्रकाशमान सिंहले सबै राजनीतिक दलहरुले मिलेर मुलुकलाई संकटबाट पार लगाउनुपर्ने बताएका छन् ।
गणेशमान सिंहको जन्मजयन्तिको अवसर पारेर सोमबार काठमाडौंमा आयोजित एक कार्यक्रममा बोल्दै उनले मुलुकको राष्ट्रियता र लोकतन्त्रमाथि आएको संकट समाधानका लागि सबै दलहरुले एकतावद्ध भएर काम गर्ने बेला आएको बताएका छन् । नेता सिंहले काँग्रेसले विगतमा पनि संकटमा बेला मुलुकलाई निकास दिन भुमिका खेल्दै आएको उल्लेख गर्दै अहिले पनि त्यो भुमिका उभिनुपर्ने आवश्यतकता औँल्याएका छन् ।
उनले भने,‘यो पर्शनल प्रपर्टी र नेश्नल प्रपर्टी जसरी यसले अट्याक गरेको छ । यो राम्रो संकेत होइन । अब हामी कसरी अघि बढने भन्ने कुरा हो । यसमा पुराना दलहरु यसमा पनि नेपाली काँग्रेस विशेष रुपमा हाम्रो जिम्मेवारी भनेको नेशन क्राईसेसमा पर्दा जहिले पनि नेपाली काँग्रेसकै नेतृत्वमा वे आउट वा मुलुकलाई निकास दिन विगतमा क्राईसेस आउँदा पनि काँग्रेसले भूमिका खेलेको छ । अहिले पनि यो क्राईसेसलाई पार लगाउनका लागि नेपाली काँग्रेसको भनाई के हो भन्दाखेरी काँग्रेस एकतावद्ध हुनैप¥यो । अरु दलहरुले पनि राष्ट्रियतामाथि आएको जुन संकट छ, लोकतन्त्रमाथि आएको जुन संकट छ । त्यसलाई पार लगाउनका लागि सबैले मिलेर काम गर्नुपर्छ भन्ने हामी सबैले ध्यान दिनुछ ।’
नेता सिंहले जेनजी आन्दोलनमा राष्ट्रिय तथा व्यक्तिगत सम्पत्ति माथि भएको आक्रमण सैह्य नभएको पनि बताएका छन् ।
प्रकाशित मिति: २४ कार्तिक २०८२, सोमबार
