भदौ २३ र २४ को घटना उपद्रव होः ओली

काठमाडौँ। नेकपा एमाले अध्यक्ष केपी शर्मा ओलीले गत भदौ २३ र २४ गतेको आन्दोलन क्रान्ति नभएको बताएका छन् ।

घर फर्क राष्ट्रिय अभियानलाई सोमवार सम्बोधन गर्दै उनले भदौ २३ रु २४ गते भएको आन्दोलन उपद्रव भएको र उक्त आन्दोलन परिवर्तनका लागि नभएको जिकिर गरेका छन् । उनले उक्त उपद्रव छानी छानी नेताका घरहरु जलाउने र कसैले सिकाएको योजनावद्ध काम भएको र क्रान्ति यस्तो नहुने बताएका छन् ।

उनले भने, ‘यो परिवर्तनका लागि आन्दोलन होइन । यो कसैले सिकाएर लगाइएको एकदमै योजनावद्ध गूगलम्याप हेरेर तयारी गरिकन आगो लगाइएको हो । हात हातमा हतियार र विष्फोटक चिजहरु बोकेर आगजनी गर्ने चिजहरु बोकर हिँडेका मान्छेहरुको योजनावद्ध काम हो । यो कुनै आन्दोलन होइन । विश्वमा यस्तो क्रान्ति हुँदैन । यो क्रान्ति होइन । यो उपद्रव हो । क्रान्ति गरिरहनुपर्छ । राम्रो कुरा हो ।’

अध्यक्ष ओलीले क्रान्ति सकारात्मक प्रक्रिया भएको बताएका पनि छन् ।