२८ चैत्र २०७९, मंगलवार
२८ चैत्र, काठमाडाैँ । ‘चक्रे मिलन’का नामले परिचित मिलन गुरुङ अत्याधुनिक हतियार ‘एके–४७’को सुरक्षा घेरामा देखिएका छन् । उनी शान्तिसुरक्षालाई चुनौती दिँदै एके–४७को सुरक्षा घेरामा देखिएका हुन् ।
नेपालगन्जको सिद्धार्थ होटलमा उनका बडिगार्डले एके–४७ बन्दुक लिएर उनको पछाडी हिँडेको भिडियो टिकटकमा पोस्ट भएको छ । अहिले यो भिडियोले चर्चा पाइरहेको छ ।
नेपालगन्जमा नेकपा एमालेको जनवर्गीय संगठन युवा संघको महाधिवेशनमा भाग लिन उनी त्यहाँ पुगेको बताइएको छ । तर, उनी उक्त कार्यक्रममा सहभागी नभएको जानकारी दिइएको छ ।
प्रहरीले यस घटनामा अनुसन्धान गरिरहेको जानकारी दिएको छ । त्यस्तै, मिलन चक्रेको पछाडी ‘एके–४७’ लिएर हिड्ने व्यक्तिलाई प्रहरीले पक्राउ गरिसकेको छ ।
चक्रे मिलन एमालेका कार्यकर्ता हुन् । उनी गत मंसिरमा भएको चुनावमा गोरखा क्षेत्र २ बाट उम्मेदवारमा सिफारिस समेत भएका थिए । तर, उनी उम्मेदवार भने उठेनन् ।
प्रकाशित मिति: २८ चैत्र २०७९, मंगलवार
