१८ कार्तिक २०८२, मंगलवार
काठमाडौँ। नेपाली काँग्रेसको विशेष महाधिवेशन पक्षधरका नेता देवराज चालिसेले काँग्रेसको केन्द्रिय समितिमा रहेका फोहोर सफा गरेर मात्रै निर्वाचनमा जाने बताएका छन् ।
मंगलवार काठमाडौमा पत्रकार सम्मेलनमा बोल्दै उनले महाधिवेशनमार्फत नीतिगत सुधार गरेर मात्रै निर्वाचनमा जान सकिने बताएका छन् । पार्टी सुध्रिएर जनताको माझ जानसकेमा मात्रै जनताले पत्याउने उनको भनाई छ । काँग्रेसको केन्द्रिय समितिमा निर्वाचनपछि मात्रै महाधिवेशनको कुरा उठ्ने गरेको उल्लेख गर्दै उनले पुरानो अनुहार लिएर जनताको माझ जान नससकिने र वर्तमान नेतृत्वले जनताको असन्तुष्टीको आवाज सुन्न नसकेको पनि आरोप लगाएका छन् । उनले विगतमा जनताको आवाजको नेतृत्व गर्ने पार्टी आज आफैँ जनताको जनताको असन्तुष्टीको सामना गर्न बाध्य भएको बताएका छन् । पार्टीमा आएको यति ठूलो अन्तरको निर्ममतापूर्वक समिक्षा गर्नुपर्ने उनको भनाई छ । उनले जनताको आकांक्षा पूरा गर्नको लागि काँग्रेसको निति र नेतृत्व दुवै परिवर्तन आवश्यक रहेकोले आफूहरुले विशेष महाधिवेशनको माग गरेको बताए । महाधिवेशनमार्फत कांग्रेसलाई सुदृढीकरण गरेर कांग्रेसलाई जनताको माझमा लैजानुपर्ने उनको भनाई छ ।
उनले भने, ‘हामी नीतिगत सुधार मात्रै होईन, जनताको आश सम्बोधन गर्ने निति मात्रै होईन । नेपाली काँग्रेसको केन्द्रिय समितिमा जम्मा भएको फोहोर सफा गरेर मात्रै चुनावमा जान चाहन्छौँ भन्ने हाम्रो आग्रह हो । पार्टी सुध्रिन प¥यो । पार्टी बदलीन प¥यो । अनि मात्रै जनताले पत्याउँछ । वृद्ध शरिर लिएर, रोगी शरिर लिएर जिम्मेवारीको भारी बोक्न सकिँदैन । सच्चिएको कांग्रेस, नयाँ निति, नयाँ नेतृत्वसहित जनताकहाँ गयौँ भने जनताले पनि पत्याउँछ । त्यही अनुहार अनुहार लिएर गयो भने जनताले पत्याउँदैन भन्ने हाम्रो आग्रह हो । हिजो हामीले जनताको आवाजको नेतृत्व ग¥यौँ, आज हामी आफै जनताको असन्तुष्टीको आज हामी सामना गरिरहेका छौँ । यो ठूलो अन्तर कहाँबाट आयो ? कसरी आयो ? निर्ममतापुर्वक समिक्षा गर्नुपर्ने आजको आवश्यक्ता हो भन्ने हामीले महशुस गरेका छौँ । यही आवश्यकत्तालाई महसुस गरेर हामीले बारम्वार नेतृत्वको समक्ष पार्टीलाई सुधार गर्ने बारेमा, परिर्वतन गर्ने सन्र्दभमा, जनताका आंकाक्षाहरु पुरा गर्ने सन्र्दभमा धेरै सुझावहरु दियौँ । तर नेतृत्वले कहिल्यै सुनुवाई गरेन ।’
नेपाली काँग्रेस लुम्बिनी प्रदेश सभापति अमरसिंह पुन मगरले विशेष महाधिवेशनले पार्टी विभाजन गर्ने भनेर निराधार हल्ला चलाईएको बताएका छन् । उनले २०१४ सालमा भएको पार्टीको महाधिवेशनले पार्टीलाई दुई तिहाई सिट ल्याएर संसदमा पु¥याएको स्मरण गरे । उनले यसपटक हुने विशेष महाधिवेशनले पनि पार्टीलाई बहुमत दिलाउने दाबी गरेका छन् । वर्तमान व्यवस्थामा दुईतिहाई सिट ल्याउनसक्ने अवस्था नरहेपनि फागुनमा हुने निर्वाचनमा बहुमत ल्याउनेगरी लाग्न उनले सबैलाई आग्रह समेत गरेका छन् ।
उनले भने, ‘विशेष महाधिवेशनले पार्टीले पार्टीलाई के दिन्छ भन्ने आवाज उठेको छ । पार्टी फुट्छ भन्ने कुरा पनि उठ्छ । २०१४ सालको विशेष महाधिवेशनले दुई तिहाई कांग्रेसको संसदमा उपस्थिती थियो । त्यसकारणले नेपाली कांग्रेस यसपालीको विशेष महाधिवेशनले आगामी फागनु २१ गते हुने निर्वाचनमा यो व्यवस्थाले दुईतिहाई त नहोला, बहुमत जित्नेगरि अगाडी जानेगरी सबै साथीहरु जान आग्रह गर्दछु ।’
विशेष महाधिवेशन पक्षधरहरुले निर्वाचन निर्वाचन अगाडी नै पार्टीको नियमित महाधिवेशन गर्नुपर्ने र नियमति हुन नसकेमा विशेष महाधिवेशन गर्नुपर्ने माग राख्दै आएका छन् । काँग्रेसका ५४ प्रतिशत महाधिवेशन प्रतिनिधिहरुले विशेष महाधिवेशनको माग राख्दै कार्यवाहक सभापति पूर्णबहादुर खड्कालाई हस्ताक्षर समेत बुझाईसकेका छन् । नेपाली कांग्रेसका सत्तापन पक्ष चुनावपछि महाधिवेशन गर्नुपर्ने अडानमा रहेको छ भने संस्थापनईतरपक्ष पुससम्ममा नियमित महाधिवेशन गर्नुपर्ने पक्षमा छ ।
प्रकाशित मिति: १८ कार्तिक २०८२, मंगलवार
