सोलुखुम्बुको लोबुचेमा हेलिकप्टर दुर्घटना

काठमाडौँ। सोलुखुम्बु जिल्लाको लोबुचेमा अल्टिच्युड एयरको हेलिकप्टर दुर्घटना भएको छ ।

जिल्ला प्रहरी कार्यालय सोलुखुम्बुका प्रमुख, प्रहरी नायव उपरीक्षक (डिएसपी) मनोजित कुँवरले आज बिहान ७ बजेर ५० मिनेट जाँदा अल्फा माइक सेरा कलसाइन भएको अल्टिच्युट एयरको हेलिकप्टर दुर्घटनामा परेको जानकारी दिएका छन् । हेलिकप्टर लोबुचे हेलिप्याडमा अवतरणका क्रममा चिप्लिएर दुर्घटना भएको डिएसपी कुँवरले बताए ।

हेलिकप्टरमा पाइलट विवेक खड्कामात्र रहेका थिए । पाइलट खड्कालाई कैलाश हेलिकप्टरमार्फत उद्दार गरी लुक्ला लगिएको डिएसपी कुँवरले बताए । उनको स्वास्थ्यअवस्था सामान्य रहेको प्रहरीले जनाएको छ ।