हमासले इजरायललाई बुझायो विपिन जोशीको शव

एजेन्सी । गाजामा बन्धक बनाइएका नेपाली विद्यार्थी विपिन जोशीको शव हमासले इजरायललाई बुझाएको छ।

सोमबार राति रेडक्रसमार्फत विपिनसहित चार जनाको शव हस्तान्तरण गरिएको इजरायली सेनाले पुष्टि गरेको हो। अन्य तीन जनामा गाइ इलाउज, योशी शाराबी र ड्यानियल पेरेज रहेका छन्।

चारै शवलाई फरेन्सिक परीक्षणका लागि तेल अभिभस्थित अबु काबिर इन्स्टिच्युटमा लगिएको छ, जहाँ पहिचान प्रक्रिया सुरु भएको छ। हमासले यसअघि जीवित २० बन्धक फिर्ता गरिसकेको थियो भने अहिले सम्म २४ जना मृत बन्धकको शव बुझाउन बाँकी रहेको बताइएको छ।

फरेन्सिक परीक्षणपछि विपिनको शव परिवारलाई बुझाइने र त्यसपछि नेपाल ल्याउने तयारी भइरहेको छ।