१८ आश्विन २०८२, शनिबार
काठमाडौं । ऊर्जा, जलस्रोत तथा सिँचाइ मन्त्री कुलमान घिसिङले शनिबार रातिबाट आइतबार मध्यान्हसम्म देशभर भारी वर्षाको सम्भावना रहेकाले सतर्क रहन आग्रह गरेका छन्।
विभागको पूर्वानुमानअनुसार काठमाडौंसहित विभिन्न क्षेत्रमा ठूलो वर्षा हुने भन्दै उनले सडक, सिँचाइ र जलविद्युत संरचनामा क्षति हुन सक्ने चेतावनी दिएका छन्।
मन्त्री घिसिङले सम्बन्धित निकायहरूलाई तयारी अवस्थामा रहन, उपकरण सुरक्षित राख्न र बाढी–पहिरोको जोखिम न्यूनीकरणमा एकीकृत रूपमा काम गर्न निर्देशन दिएका छन्।
जल तथा मौसम विभागका प्रमुखले सोमबार बिहानसम्म उच्च सतर्कता अपनाउन सुझाव दिएका छन्।
प्रकाशित मिति: १८ आश्विन २०८२, शनिबार
