२४ भाद्र २०८२, मंगलवार
काठमाडौं । नेपाली सेनाले हालको विपद् परिस्थितिमा सार्वजनिक तथा निजी सम्पत्तिमाथि आक्रमण, तोडफोड र आगजनीजस्ता घटना बढ्न सक्ने जोखिमलाई ध्यानमा राख्दै नेपाली सेना लगायतका सुरक्षा निकायहरू तयारी अवस्थामा रहने बताएको छ।
सेनाले जारी गरेको विज्ञप्तिअनुसार असामाजिक गतिविधि रोक्न र जनधनको सुरक्षा सुनिश्चित गर्न आवश्यक कदम चालिने उल्लेख गरिएको छ। सोही क्रममा, २०८२ साल भदौ २४ गते राति १० बजेदेखि सुरक्षा व्यवस्था कडा पार्ने निर्णय गरिएको सेनाले जनाएको छ।
सेनाले सम्पूर्ण नागरिकसँग राष्ट्रिय सम्पत्ति संरक्षण र शान्ति–सुरक्षामा सहयोग गर्न पनि अपिल गरेको छ। साथै परिस्थितिअनुसार थप जानकारी समयमै सार्वजनिक गरिने जनाएको छ।
प्रकाशित मिति: २४ भाद्र २०८२, मंगलवार
