३ भाद्र २०८२, मंगलवार
काठमाडौं । सत्तारुढ नेपाली कांग्रेस र नेकपा एमालेले उपसभामुख इन्दिरा रानालाई पदबाट हटाउन प्रस्ताव दर्ता गर्ने तयारी गरेका छन्। त्यसका लागि दुवै दलले सांसदहरूको हस्ताक्षर संकलन सुरू गरेका छन्।
सोमबार साँझ बालुवाटारमा बसेको बैठकपछि मंगलबार नै प्रक्रिया अघि बढाउने निर्णय भएको हो। उक्त छलफलमा महान्यायाधिवक्ता रमेश बडाल पनि सहभागी थिए।
रानामाथि अमेरिकी राजदूतावासमा प्रयोगका लागि भिसा सिफारिस पत्र पठाएको आरोप लागेको छ। यसअघि पनि उनलाई हटाउने तयारी भए पनि विरोधका कारण प्रक्रिया रोकिएको थियो।
प्रकाशित मिति: ३ भाद्र २०८२, मंगलवार
