२८ श्रावण २०८२, बुधबार
काठमाडौँ । संसद विघटनसहितका १३ महत्वपूर्ण फैसलाको पूर्णपाठ नलेखेको आरोपमा पूर्वप्रधानन्यायाधीश चोलेन्द्रसमशेर जबराविरुद्ध सर्वोच्च अदालतमा रिट दायर भएको छ।
कानून व्यवसायी यज्ञमणि न्यौपानेले दायर गरेको रिटमा २०७७ फागुन ११ गते प्रतिनिधिसभा विघटन बदर गर्ने आदेशको पूर्णपाठ २१ दिनभित्र सार्वजनिक हुनुपर्ने कानूनी प्रावधान उल्लंघन भएको दाबी गरिएको छ। तर हालसम्म उक्त पूर्णपाठ सार्वजनिक भएको छैन।
रिटमा भनिएको छ, न्यायाधीशले सेवा निवृत्त भइसकेपछि पनि पाँच वर्षसम्म फैसला नलेख्नु अदालतप्रति गम्भीर अवहेलनाको विषय हो। यसका लागि छुट्टै अवहेलनाको निवेदन पेश गर्नु आवश्यक छैन।
न्यौपानेको दाबी अनुसार, कुनै फैसलामा एक मत नभए आफ्नै रायसहित, र एक मत भए सामूहिक रायसहितको फैसला लेखी प्रमाणीकरण गर्नुपर्ने संवैधानिक दायित्व जबराले पुरा गरेका छैनन् ।
प्रकाशित मिति: २८ श्रावण २०८२, बुधबार
