१९ श्रावण २०८२, सोमबार
काठमाडौँ । संघीय संसद्को कार्यतालिका निर्माणका लागि सभामुख देवराज घिमिरे र पाँच प्रमुख राजनीतिक दलका प्रमुख सचेतकहरूबीच सिंहदरबारमा छलफल सुरु भएको छ ।
बिहान ११ बजेदेखि सुरु भएको बैठकमा साउन १५ देखि ३० गतेसम्मको संसदीय क्यालेन्डर तय गर्ने विषयमा गहन छलफल जारी छ ।सभामुखको सचिवालयका अनुसार बैठकमा उपसभामुख इन्दिरा राना र कानुन, न्याय तथा संसदीय मामिला मन्त्री अजयकुमार चौरसिया पनि सहभागी छन् ।
संसद्को प्रभावकारी सञ्चालन र आगामी अधिवेशनको तयारीलाई लक्षित गर्दै प्रमुख सचेतकहरूको सुझाव संकलन गर्ने उद्देश्यसहित यो छलफल आयोजना गरिएको हो ।
प्रकाशित मिति: १९ श्रावण २०८२, सोमबार
