आजको राशिफल : २०८२ साल साउन ०८ गते बिहिबार

आज मिति २०८२ साल साउन ०८ गते बिहिबार (24 July, 2025) श्रावण कृष्णपक्ष औंसी, २४:५३ बजेपछि प्रतिपदा

मेष : आजको दिन गतिशील विचार र संवादको समय हो। तपाईंको बोली र व्यवहारले अरूलाई सहजै प्रभावित पार्न सक्नेछ। कामकाजी जीवनमा छरितोपन र नयापन ल्याउन सके कार्यसिद्धि पक्कै हुनेछ। आर्थिक पक्षमा रोकिएका कामहरू अघि बढ्ने संकेत छन्। पारिवारिक सल्लाह वा सल्लाहकार भूमिकामा प्रभाव जमाउने दिन हो। प्रेम सम्बन्धमा पारदर्शिता र आपसी विश्वास बलियो बन्नेछ। यात्राको सम्भावना पनि देखिन्छ, जसले मानसिकता ताजगी दिनेछ।

वृष : आजको दिन आर्थिक दृष्टिले उपयोगी बन्न सक्छ। अघिल्लो केही समयदेखि विचारमा राखिएको योजना कार्यान्वयन गर्ने समय आएको छ। खर्च र आम्दानी सँगसँगै बढ्नेछन्, तर दीर्घकालीन लाभको आधार बन्नेछन्। पारिवारिक वातावरणमा छोटो विवाद भए पनि धैर्य र नम्रताले सुल्झाउन सकिनेछ। प्रेम जीवनमा वचनमा संयमता आवश्यक रहनेछ। सन्तान पक्ष वा परिवारसँग सम्बन्धित विषयमा सोचेर अघि बढ्दा सफल हुनेछ।

मिथुन : मिथुन राशिका लागि आजको दिन आत्मविश्वास र व्यक्तित्व उजागर गर्ने समय हो। तपाईंको बोली र वाणीमा प्रभाव हुनेछ, जसले कार्यक्षेत्रमा सफलता दिलाउनेछ। आर्थिक पक्ष सामान्य रहनेछ, तर अनायासै खर्च बढ्न सक्नेछ, त्यसैले योजनाबद्ध ढंगले खर्च गर्नु उपयुक्त हुनेछ। परिवार वा आफन्तसँगको संवादमा सन्तुलन राख्नुपर्ने दिन हो। प्रेम जीवनमा गहिरो समझदारी र भावनात्मक निकटता बन्नेछ।

कर्कट : आजको दिन अन्तर्मुखी चिन्तन र भित्री सोचको दिन हो। विगतका केही अधुरा कुरा मनमा आउनेछन्, जसलाई समाधान गर्न प्रयास गर्नुपर्छ। आर्थिक पक्ष स्थिर देखिए पनि खर्चहरू बढी मनको चाहनासँग जोडिएका हुन सक्छन्। पारिवारिक सम्बन्धमा सानो कुरा ठूला विवादमा नजाओस् भन्नेमा सजग रहनु राम्रो। प्रेम सम्बन्धमा एक–अर्कालाई बुझ्ने र सुन्ने प्रयास आवश्यक हुनेछ। ध्यान वा साधनाले मानसिक राहत दिनेछ।

सिंह : आजको दिन सामाजिक दायरामा विस्तार हुने दिन हो। नयाँ सम्बन्धहरू जोडिन सक्छन्, पुराना सम्बन्धहरू पुनः सक्रिय बन्नेछन्। कार्यक्षेत्रमा तपाईंको नेतृत्वदक्षता र योजना प्रस्तुत गर्ने शैली प्रशंसनीय रहनेछ। आर्थिक पक्षमा सानो लाभ वा नयाँ अवसर मिल्ने सम्भावना छ। पारिवारिक सल्लाह र सहयोग मिल्नेछ। प्रेम सम्बन्धमा नयाँ योजना वा भविष्यको सोच साझा हुने दिन हो। विद्या वा प्रतियोगितामा पनि सफलता मिल्नेछ।

कन्या :  आजको दिन कर्मप्रधान र जिम्मेवारीपूर्ण देखिन्छ। कार्यक्षेत्रमा तपाईंको धैर्य, परिश्रम र योजनाबद्ध कार्यशैलीले सफलता मिल्नेछ। आर्थिक हिसाबले स्थायित्व देखिए तापनि खर्चमा विवेक आवश्यक हुनेछ। पारिवारिक सम्मान बढ्ने संकेत छन्। प्रेम जीवनमा भावनात्मक स्थायित्व आउनेछ, सानो भ्रम वा शंका भने संवादद्वारा समाधान गर्नुपर्छ। उच्च शिक्षा, प्रशासनिक जिम्मेवारी वा नेतृत्व भूमिकामा सफलता मिल्नेछ।

तुला : आजको दिन ज्ञान, धर्म, उच्च सोच र सम्पर्क विस्तारको दिन हो। नयाँ कुराहरू सिक्ने, नयाँ योजना बनाउन उपयुक्त समय हो। कार्यक्षेत्रमा अग्रज वा गुरुजनको सहयोगले मार्ग प्रशस्त हुनेछ। आर्थिक पक्ष सामान्य देखिन्छ, तर सोचेर खर्च गर्दा बचत सम्भव हुनेछ। पारिवारिक वातावरणमा संवाद र समझदारी आवश्यक छ। प्रेम जीवनमा विश्वास बढ्ने समय हो। यात्राको योजना सफल बन्न सक्छ।

वृश्चिक : आजको दिन अलिक गम्भीर र भावनात्मक रूपमा गहिरो बन्ने संकेत देखिन्छ। पुराना कुरा वा अधुरा विषय पुनः सतहमा आउन सक्छन्। आर्थिक लेनदेनमा सजगता आवश्यक छ। कार्यक्षेत्रमा ध्यान, अनुशासन र परिश्रम आवश्यक छ। पारिवारिक सम्बन्धमा गहिरो कुरा उठ्न सक्छ, जसलाई धैर्यपूर्वक सुल्झाउनु राम्रो हुन्छ। प्रेम जीवनमा वचन र व्यवहार दुवैमा पारदर्शिता जरुरी छ।

धनु :  आजको दिन सम्बन्धहरूमा सन्तुलन र सहकार्यको आवश्यकता रहनेछ। कार्यक्षेत्रमा साझेदारीबाट सफलता मिल्नेछ। वैवाहिक जीवनमा विश्वास र समझदारी आवश्यक देखिन्छ। आर्थिक पक्षमा साझेदारीबाट लाभ हुने संकेत छ। पारिवारिक वातावरणमा पनि सहयोगी भावना रहनेछ। प्रेम जीवनमा नयाँ सोच र योजना बन्न सक्छ। सामाजिक व्यवहारमा शिष्टता अपनाउनु उपयुक्त हुन्छ।

मकर : मकर राशिका लागि आजको दिन व्यस्त रहन सक्छ। कार्यक्षेत्रमा निरन्तरता र लगनशीलता आवश्यक रहनेछ। आर्थिक पक्ष स्थिर देखिए तापनि खर्चमा सन्तुलन राख्नुपर्छ। स्वास्थ्यमा सामान्य कमजोरी देखिन सक्छ, आराम र योग–ध्यान आवश्यक छ। पारिवारिक जिम्मेवारी बढ्नेछ, जसलाई धैर्यपूर्वक निभाउनु पर्छ। प्रेम जीवनमा व्यवहारिकता र समझदारीलाई प्राथमिकता दिनु राम्रो हुनेछ।

कुम्भ : आजको दिन सिर्जनात्मकता, प्रेम र व्यक्तिगत अभिव्यक्तिको समय हो। तपाईंको योजना र विचारले कार्यक्षेत्रमा राम्रो प्रभाव पार्नेछ। सन्तान पक्षबाट खुसीको समाचार मिल्न सक्छ। आर्थिक पक्षमा सुधार आउने संकेत छ, तर खर्च पनि बढ्न सक्छ। पारिवारिक सम्बन्धमा आत्मीयता रहनेछ। प्रेम जीवनमा रमाइलोपन र भावनात्मक नजिकपन देखिन्छ। नयाँ सोच वा कलात्मक कार्यमा सफलता मिल्नेछ।

मीन :  आजको दिन घर–परिवार र आत्मिक सुरक्षामा केन्द्रित देखिन्छ। पारिवारिक वातावरणमा सामञ्जस्य र सौम्यता रहनेछ। घरसँग सम्बन्धित कुनै निर्णय गर्नुपर्नेछ, त्यसमा बुज्रुकको राय लिँदा लाभ हुनेछ। आर्थिक पक्ष स्थिर रहनेछ। प्रेम जीवनमा भावनात्मक स्थायित्व रहनेछ। स्वास्थमा सजगता आवश्यक छ। एकान्तमा बसेर योजना बनाउने समय हो, जसले भविष्यमा लाभ दिन सक्छ।