७ श्रावण २०८२, बुधबार
काठमाडौँ। प्रधानमन्त्री केपी शर्मा ओलीले मधेस प्रदेशमा भएको खानेपानीको समस्या समाधान गर्न सरकार गम्भीर रुपमा लागिपरेको बताएका छन् ।
प्रतिनिधि सभाको बुधवारको बैठकमा बोल्दै प्रधानमन्त्री ओलीले खानेपानीको समस्या समाधान गर्न सरकारले कुनैपनि कसर बाँकी नराख्ने बताएका हुन् । उनले आज मात्रै मधेस प्रदेशलाई प्राकृतिक विपत्तिग्रस्त क्षेत्र घोषणा गरिएको उल्लेख गरे । उनले मधेस प्रदेशमा रहेको खानेपानीको समस्या समाधानका लागि तत्कालीन र दीर्घकालीन समाधानका उपायहरुको खोजि गरिने पनि बताए । प्रधानमन्त्री ओलीकाअनुसार हालसम्म ९५ प्रतिशत नागरिकलाई ट्यांकरमार्फत सरकारले खानेपानी वितरण गरिसकेको छ भने बाँकी पाँच प्रतिशतलाई समेत वितरण गरिनेछ ।
उनले भने, ‘मधेश प्रदेशलाई प्राकृतिक विपत्तिग्रस्त क्षेत्र भनेर निर्णय गरेर आएको छु । अब त्यहाँ कुनैपनि समस्या भयो भने आपतकालीन ढंगले बजेटको व्यवस्था गर्न सकिने र कुनैपनि समान किन्न सजिलो हुनेछ । भइरहेको छ बेहाल त्यसकारण यसप्रति सरकार गम्भिरताका साथ लागिहरेको छ । यसको लागि सरकार तत्कालिन र दीर्घकालिन रुपमा के गर्न सकिन्छ भन्ने कुरामा लागिपरेको छ । हाललाई ९५ प्रतिशत नागरिकलाई पानी ट्यान्कीबाट सरकारले खानेपानी वितरण गरेको छ । पाँच प्रतिशत नागरिकलाई अझै पनि वितरण गर्न सकेको छैन । खानेपानी बिना कोही रहने छैन, खानेपानीको व्यवस्था सरकारले गर्छ ।’
उनले मधेसमा खानेपानीको समस्या दीर्घकालीन रुपमा समाधानका लागि पानीका स्रोतहरुको खोजि भइरहेको पनि बताए ।
प्रकाशित मिति: ७ श्रावण २०८२, बुधबार
