६ श्रावण २०८२, मंगलवार
काठमाडौँ। महिला, बालबालिका तथा ज्येष्ठ नागरिक मन्त्रालयकी सचिव लक्ष्मीकुमारी बस्नेतले महिला श्रमीकले देशभित्र वा बाहिर रोजगारको क्रममा विभिन्नखाले समस्या भोग्नु परिरहेको बताएकी छिन् ।
मंगलवारको महिला तथा सामाजिक मामिला समितिको बैठकमा बोल्दै उनले यस्तो बताइन । उनले महिला श्रमीकहरुले श्रम गर्ने सिलसिलामा विभिन्न चुनौतिहरुको सामना गर्नु परेकाले त्यसलाई हटाउन जरुरी रहेको बताइन । रोजगारीका लागि महिलाहरु विदेश जाँदा ठगी, शोषण, मानव बेचबिखनमा पर्नसक्ने उच्च जोखिम रहेको बताएकी छिन् । सीपको अभाव बिनै जाँदा काममा दक्षता नभएकाले रोजगारदाताले समयमै पारिश्रमीक नदिने, शोषण गर्ने गरेको पाइएको बताइन ।
उनले भनिन, ‘जुनसुकै अवस्थामा चाहे त्यो देशभित्र होस् वा बाहिर जुनसुकै अवस्थामा पनि रोजगार गर्ने सिलसिलामा विभिन्न चुनौतिहरुको सामना गर्नु परिरहेको छ । यसमा विशेष गरेर वैदेशिक रोजगारीमा हेर्ने हो भने रोजगारीको सिलसिलामा हेर्ने हो भने रोजगारीका लागि महिलाहरु विदेश जाँदा ठगी, शोषण, मानव बेचबिखनमा पर्नसक्ने उच्च जोखिम भएको देखिन्छ । सीपको अभाव बिनै जाँदा काममा दक्षता नभएकाले रोजगारदाताले समयमै पारिश्रमीक नदिने, शोषण गर्ने गरेको देखिन्छ । यसले हाम्रो सामाजिक संरचनामा नै असर पारेको छ । श्रम स्वीकृति नलिइ गैरबाटोबाट विदेश जाने महिलाको स्वदेश फिर्ता गराउने अवस्था कठिन बनेको छ ।’
सचिव बस्नेतले श्रम स्वीकृति नलिइ गैरबाटोबाट विदेश जाने महिलाको स्वदेश फिर्ता गराउने अवस्था कठिन बनिरहेको बताइन ।
प्रकाशित मिति: ६ श्रावण २०८२, मंगलवार
