२८ असार २०८२, शनिबार
काठमाडौँ। नेकपा (माओवादी केन्द्र)का उपमहासचिव शक्ति बस्नेतले राजनीतिक दलहरु बलियो हुँदा मात्रै राज्य बलियो हुने बताएका छन् ।
भक्तपुरमा शनिवार आयोजित एक कार्यक्रमलाई सम्बोधन गर्दै उनले यस्तो बताएका हुन् । उनले राजनीतिक दलहरु बलियो भएमात्रै राजनीतिक प्रणाली बलियो हुने जिकिर गरे । उनले राजनीतिक दलहरुले आफ्ना सकारात्मक तरिकाले विषयवस्तु राख्न नसक्नुले पनि राजनीतिक दलहरुप्रति अनावश्यक प्रश्नहरु उठिरहेको बताए । अव्यवस्था चाहनेले जतिसुकै राजनीतिक दलहरुले राम्रो काम गरेपनि विरोध गरिरहने गरेको बताए । त्यसलाई गलत सावित गर्ने दायित्व राजनीतिक दलको काम भएको बताए । सामाजिक जीवनका बदलिएका परिस्थिति, आवश्यकता, सम्भावना, अवसर र चुनौतिलाई यथोचित ढंगले सम्बोधन गर्न आफू परिष्कृत र परिमार्जित हुनु जरुरी रहेको बताए ।
उपमहासचिव बस्नेतले भने, ‘राजनीतिक दलहरु बलियो हुँदा राज्य बलियो हुने, राजनीतिक प्रणाली बलियो हुन्छ । राजनीतक दलहरुप्रति बेला बेलामा प्रश्नहरु उठ्ने गरेका पनि छन् । राजनीतिक दलहरुको बारेमा फैल्याइएका अनावश्यक अफवाहहरु, राजनीतिक दलहरुले आफ्ना सकारात्मक तरिकाले विषयवस्तु राख्न नसक्नुले पनि राजनीतिक दलहरुप्रति अनावश्यक प्रश्नहरु उठिरहेका छन् । अव्यवस्था चाहनेले जतिसुकै राजनीतिक दलहरुले राम्रो काम गरेपनि विरोध गरिरहन्छ । त्यसलाई गलत सावित गर्ने दायित्व राजनीतिक दलको काम हो । सामाजिक जीवनका बदलिएका परिस्थिति, आवश्यकता, सम्भावना, अवसर र चुनौतिलाई यथोचित ढंगले सम्बोधन गर्न आफू परिष्कृत र परिमार्जित हुनु जरुरी छ ।’
उपमहासचिव बस्नेतले राजनीतिक दलहरुले आफूलाई सुधार गरेर जान जरुरी रहेको बताए ।
प्रकाशित मिति: २८ असार २०८२, शनिबार
