२४ चैत्र २०७९, शुक्रबार
२४ चैत्र, चितवन । राष्ट्रिय स्वतन्त्र पार्टीका सभापति रवि लामिछानेले वर्तमान सरकारलाई समर्थन गरिरहनुको पछाडी एक कारण भएको बताएका छन् ।
चितवनको चुनावी सभामा बोल्दै लामिछानेले प्रचण्ड नेतृत्वको सरकारलाई आफ्नो दलले समर्थन कायम राख्नुको गहिरो कारण भएको बताएका हुन् ।
उनले उक्त कार्यक्रममा भने, ‘समर्थन निकाल्न हामीलाई एक सेकेन्ड पनि लाग्दैन तर त्यसको एउटा कानुनी आधार छ, त्यसको एउटा कानुनी बाटो छ । त्यसको गहिरो कारण छ, हामी प्रधानमन्त्रीलाई प्रधानमन्त्री बनाउँदाखेरि राष्ट्रपतिकहाँ जाँदाका हस्ताक्षरकर्ता हौं । त्यसकारणले यसको कानुनी अर्थ छ ।’
लामिछाने वैशाख १० गते हुन लागेको उपनिर्वाचनमा चितवन-२ का उम्मेदवार हुन् । नागरिकता सम्बन्धि मुद्दामा सर्वोच्चको आदेशसँगै उनको सांसद पद खारेज भएको थियो ।
प्रकाशित मिति: २४ चैत्र २०७९, शुक्रबार
