२३ असार २०८२, सोमबार
एजेन्सी। टर्कीको रक्षा मन्त्रालयले उत्तरी इराकको गुफामा खोजी अभियानको क्रममा मिथेन ग्यासका कारण पाँच टर्की सैनिकको मृत्यु भएको जनाएको छ । यो घटना उत्तरी इराकको टर्कीको अपरेशन क्ल–लक जोनमा चलिरहेको खोजी र क्लियरेन्स अभियानको क्रममा भएको हो । जहाँ टर्की सेनाले प्रतिवन्धित कुर्दिस्तान वर्कर्स पार्टीविरुद्ध कारबाही गरिरहेको छ ।
पहिले पिकेकेद्वारा अस्पतालको रूपमा प्रयोग गरिएको र पछि टर्की सेनाले सफा गरेको गुफा २०२२ मा मारिएका प्रथम लेफ्टिनेन्टको अवशेष पत्ता लगाउने प्रयासको रूपमा खोजी भइरहेको थियो । गुफाभित्र कुल १९ सैनिकहरू मिथेन ग्यास भएको ठाउँमा पुगेका थिए । सबैलाई तुरुन्तै उपचारको लागि अस्पतालमा सारिएको थियो ।
२०२२ मा टर्किएले टर्कीको सीमाना नजिकै उत्तरी इराकको मेटिना, जाप र अवासिन बास्यान क्षेत्रहरूमा रहेका पिकेके लुक्ने ठाउँहरूलाई लक्षित गर्न अपरेशन क्ल–लक शुरु गरेको थियो । टर्किए, संयुक्त राज्य अमेरिका र युरोपेली संघद्वारा आतंकवादी संगठनको रूपमा सूचीवद्ध पिकेकेले चार दशकभन्दा बढी समयदेखि टर्की सरकार विरुद्ध विद्रोह गर्दै आएको छ ।
प्रकाशित मिति: २३ असार २०८२, सोमबार
