२२ असार २०८२, आईतवार
एजेन्सी। बुधवारदेखि टर्कीको पश्चिमी इज्मिर प्रान्तका तीन जिल्लामा लागेको डढेलोमा दुई जनाको मृत्यु भएको छ । तिब्र हावा र चर्को गर्मीका कारण अग्नि नियन्त्रकहरू पनि आगो निभाउन असक्षम छन् ।
आफ्नो पछिल्लो वक्तव्यमा कृषि तथा वनमन्त्री इब्राहिम युमाक्लीले लोकप्रिय रिसोर्ट शहर सेस्मेको जंगलमा लागेको आगो ओडेमिस र बुका जिल्लामा नियन्त्रणमा आउन सकेको छैन । ओडेमिसमा दुई जनाको ज्यान गएको छ । ८१ वर्षीय वृद्ध एक व्यक्ति र एक वनकर्मीले आगोसँग लड्दा लड्दै ज्यान गुमाएका छन् । ओडेमिसका मेयर मुस्तफा तुरानले आगलागीलाई जिल्लाको इतिहासको सबैभन्दा खराब प्रकोपहरू मध्ये एकको रूपमा वर्णन गरे ।
प्रकाशित मिति: २२ असार २०८२, आईतवार
