२१ असार २०८२, शनिबार
एजेन्सी। लेबनानको राजधानी बेरुतको दक्षिणमा रहेको खाल्देह राजमार्गमा इजरायली ड्रोन आक्रमणमा एक जनाको मृत्यु भएको छ । साथै अन्य तीन जना घाइते भएको राष्ट्रिय समाचार एजेन्सीले जनाएको छ ।
बेरुतको विमानस्थलबाट केही किलोमिटर टाढा भएको हवाई आक्रमणले राजमार्गमा भारी ट्राफिक भएको थियो । धेरै पार्क गरिएका सवारी साधनहरूमा क्षति पुर्याएको जनाइएको छ । यसैबीच इजरायली सेनाको एक विज्ञप्तिअनुसार लेबनानमा भएको आक्रमणमा इरानको कुद्स फोर्ससँग संवद्ध एक लडाकूको मृत्यु भएको छ । नोभेम्बर २०२४ मा भएको युद्धविराम सम्झौताको बाबजुद पनि लेबनानमा यो पछिल्लो इजरायली हमला थियो ।
प्रकाशित मिति: २१ असार २०८२, शनिबार
