२० असार २०८२, शुक्रबार
एजेन्सी। अफगानिस्तानको विदेश मन्त्रालयले बिहीवार राति एक विज्ञप्तिमा रूसले आधिकारिक रूपमा अफगानिस्तानको अन्तरिम सरकारलाई मान्यता दिएको बताएको छ ।
रूसको आरआईए नोवोस्ती समाचार एजेन्सीले पनि अफगानिस्तानका लागि रूसी विशेष राष्ट्रपति दूत जामिर काबुलोभलाई उद्धृत गर्दै रूसले अफगानिस्तानमा तालिबान सरकारलाई आधिकारिक रूपमा मान्यता दिएको बताएको छ ।
अफगानिस्तानको विदेश मन्त्रालयको विज्ञप्तिअनुसार अफगानिस्तानका लागि रूसी राजदूत दिमित्री झिरनोभले अफगानिस्तानको इस्लामिक इमिरेट्सका कार्यवाहक विदेशमन्त्री मौलावी अमिर खान मुत्ताकीसँग भेटेर मस्कोको इस्लामिक इमिरेट्सलाई अफगानिस्तानको आधिकारिक सरकारको रूपमा मान्यता दिने निर्णय औपचारिक रूपमा बुझाएका छन् ।
प्रकाशित मिति: २० असार २०८२, शुक्रबार
