१९ असार २०८२, बिहीबार
एजेन्सी। रूसी कार्गो अन्तरिक्ष यान प्रोग्रेस एमएस २९ ले अन्तर्राष्ट्रिय अन्तरिक्ष स्टेशनको भागको रूपमा छ महिनाभन्दा बढी समय कक्षामा बिताएपछि आफ्नो अभियान पूरा गरेको छ ।
रूसको राज्य अन्तरिक्ष निगम रोस्कोसमोसले बुधवार यसबारे जानकारी गराएको हो । यसको भग्नावशेष दक्षिण प्रशान्त महासागरको गैर नेभिगेसनल क्षेत्रमा खसेको छ । कम्पनीकाअनुसार अन्तरिक्ष यान मंगलवार मस्को समयअनुसार २१ः४३ मा आइएसएसको पोइस्क मोड्युलबाट अनडक गरिएको थियो ।
नोभेम्बर २१, २०२४ मा बैकोनुर कोस्मोड्रोमबाट प्रक्षेपण गरिएको, प्रोग्रेस एमएस–२९ दुई दिन पछि आइएसएसमा डक भयो । बिहीवार बैकोनुर कोस्मोड्रोमबाट प्रक्षेपण गरिने अर्को कार्गो अन्तरिक्ष यान प्रोग्रेस एमएस–३१, आईतवार आईएसएसमा अवतरण गर्ने अपेक्षा गरिएको छ ।
प्रकाशित मिति: १९ असार २०८२, बिहीबार
