१४ असार २०८२, शनिबार
एजेन्सी। नाइजेरियाली राष्ट्रपति बोला टिनुबुले पश्चिम अफ्रिकी देशको कर प्रणालीमा व्यापक सुधार गर्ने चार विधेयकमा हस्ताक्षर गरेका छन् । यो कम आय भएका र साना व्यवसायहरूमा आर्थिक बोझ कम गर्न डिजाइन गरिएको विधायी पहल हो ।
विभिन्न सरोकारवालाहरूबाट समर्थन प्राप्त गरेको नयाँ कानूनले देशको कर प्रणालीमा सुधार गर्ने, राष्ट्रिय आर्थिक वृद्धिलाई बढावा दिने र कम विशेषाधिकार प्राप्त व्यक्तिहरूलाई फाइदा पुर्याउने तथा अनौपचारिक क्षेत्रलाई उत्प्रेरित गर्ने प्रावधानहरूमार्फत लाखौं नाइजेरियालीहरूको जीविकोपार्जन बढाउने अपेक्षा गरिएको छ ।
राष्ट्रिय राजधानी अबुजामा वरिष्ठ सरकारी अधिकारीहरू र प्रमुख आर्थिक सल्लाहकारहरूको उपस्थितिमा राष्ट्रपतिको स्वीकृति समारोहमा बोल्दै टिनुबुले नयाँ कानूनलाई नाइजेरियाको विकासको लागि महत्त्वपूर्ण भनेर प्रशंसा गरेका छन् ।
नयाँ कानूनले रोजगारी सिर्जना, व्यावसायिक तालिम कार्यक्रम र ग्रामीण विकास पहलहरूमा लगानी गर्न प्रतिवद्ध उद्यमहरूका लागि विशेष कर प्रोत्साहनहरू प्रश्तुत गर्नेछ । नयाँ कानून जनवरी १, २०२६ मा लागू हुने अपेक्षा गरिएको छ ।
प्रकाशित मिति: १४ असार २०८२, शनिबार
