८ असार २०८२, आईतवार
एजेन्सी। अमेरिकी राष्ट्रपति डोनाल्ड ट्रम्पले शनिवार संयुक्त राज्य अमेरिकाले फोर्डो, नातान्ज र एस्फहानसहित इरानका तीन आणविक स्थलहरूमा आक्रमण पूरा गरेको बताएका छन् । सबै विमानहरू अब इरानको हवाई क्षेत्र बाहिर रहेको बताए ।
प्राथमिक स्थल, फोर्डोमा बमको पूर्ण पेलोड खसालिएको छ । तेहरानले यो युद्ध अन्त्य गर्न सहमत हुनुपर्ने बताए । इरानको आणविक कार्यक्रमलाई समाप्त पार्ने इजरायलको प्रयासको समर्थनमा ट्रम्पको प्रत्यक्ष हस्तक्षेपको निर्णयले मध्य पूर्वमा ऐतिहासिक वृद्धि भएको स्थानीय मिडियाले बताएको छ ।
यो हस्तक्षेपले तेहरानबाट क्षेत्रभर अमेरिकी सेना र सैन्य प्रतिष्ठानहरू विरुद्ध बदला लिनसक्छ । जुन १३ मा इजरायलले इरानमाथि आक्रमण शुरु गरेको नवौं दिनमा इरानमाथि अमेरिकी हवाई आक्रमण भएको थियो ।
प्रकाशित मिति: ८ असार २०८२, आईतवार
