८ असार २०८२, आईतवार
एजेन्सी। टर्कीका राष्ट्रपति रेसेप तैयप एर्दोगानले टर्की चलिरहेको इरानी र इजरायली द्वन्द्वको बीचमा वार्तालाई सहज बनाउन आफ्नो भुमिका निर्वाह गर्न तयार रहेको बताएका छन् ।
टर्कीको राष्ट्रपति कार्यालयले इस्तानबुलमा इस्लामिक सहयोग संगठनको विदेश मन्त्रीहरूको ५१ औं सत्रमा भाग लिन टर्कीको भ्रमणमा रहेका इरानी विदेशमन्त्री सैयद अब्बास अराघचीसँगको भेटमा उनले उक्त टिप्पणी गरेका हुन् ।
भेटमा एर्दोगानले इरान र संयुक्त राज्य अमेरिका बीचको प्राविधिक स्तरीय र उच्च स्तरीय वार्ता दुवैमार्फत कूटनीतितर्फ तत्काल कदम चाल्नुपर्ने बताए । यो क्षेत्रले अर्को युद्ध सहन नसक्ने बताउँदै इजरायलको कार्यहरू तुरुन्तै अन्त्य गर्न आह्वान गरे ।
टर्कीका राष्ट्रपतिले आणविक विवादको समाधान कुटनीतिक वार्तामार्फत गरिनुपर्ने कुरामा पनि जोड दिएका छन् ।
प्रकाशित मिति: ८ असार २०८२, आईतवार
