८ असार २०८२, आईतवार
एजेन्सी। अष्ट्रेलियामा सडक दुर्घटनामा घाइते हुनेको संख्या बढिरहेको छ । पुरुष, क्षेत्रीय समुदाय र पैदल यात्रीहरू सबैभन्दा बढी प्रभावित भएको नयाँ अनुसन्धानले देखाएको छ ।
एडिलेडस्थित फ्लिन्डर्स विश्वविद्यालयले जारी गरेको विज्ञप्तिअनुसार सडक दुर्घटना प्रमुख समस्या बनेको छ । जसमा हरेक दिन अनुमानित चार जनाको मृत्यु र ९० जना गम्भीर घाइते हुने गरेका छन् । अनुसन्धानको नेतृत्व गर्ने फ्लिन्डर्स विश्वविद्यालयका अली सोल्टानीले विगत एक दशकमा सडक दुर्घटनाबाट अस्पताल भर्ना हुने दर निरन्तर बढेको छ ।
२०२० मा कोभिड–१९ लकडाउनका कारण केही समयको लागि मात्र घटेको थियो । अध्ययनले १० वर्षभन्दा बढी अस्पताल भर्ना र ३५ वर्षभन्दा बढीको मृत्युको तथ्याङ्कको विश्लेषण गरेको छ । जसले शहरी क्षेत्रहरूमा बढी दुर्घटना हुने गरेको भएपनि क्षेत्रीय पीडितहरूले बढी गम्भीर चोटपटक र लामो समयसम्म अस्पताल बसाइ भोग्नुपरेको खुलासा गरेको छ । सडक दुर्घटनाका कारण अस्पताल भर्ना हुने सबैमध्ये लगभग दुई तिहाइ पुरुषहरू हुन्छन् र महिलाहरूको तुलनामा लामो समयसम्म अस्पताल बसाइँ गर्ने गर्छन् । जसले बढी गम्भीर चोटपटक लाग्ने संकेत गर्छ ।
नेदरल्याण्ड्समा आधारित जर्नल, केस स्टडीज अन ट्रान्सपोर्ट पोलिसीमा प्रकाशित अध्ययनले वृद्ध अष्ट्रेलियालीहरूले सबैभन्दा लामो समयसम्म निको हुने समयको सामना गर्छन् । पैदल यात्री, मोटरसाइकल चालक र साइकल चालकहरू विशेष गरी जोखिममा रहेको पाइएको छ । तिब्र गति र मादक पदार्थ सेवन गरी गाडी चलाउने बढेसँगै दुर्घटना बढेको बताइएको छ ।
प्रकाशित मिति: ८ असार २०८२, आईतवार
