७ असार २०८२, शनिबार
एजेन्सी। लेबनानी नेताहरूले टर्कीका लागि अमेरिकी राजदुत र सिरियाका लागि विशेष दुत थोमस ब्यारेकसँग भेट गरेका छन् ।
ब्यारेकसँगको कुराकानीको क्रममा लेबनानी राष्ट्रपति जोसेफ आउनले संयुक्त राज्य अमेरिकालाई लेबनानको पुनर्लाभलाई समर्थन गर्न, विशेष गरी दक्षिणमा स्थिरता सुनिश्चित गर्न आह्वान गरेका छन् । आउनले कब्जा गरिएका पहाडहरूबाट इजरायली सेना फिर्ता हुन र लेबनानमा संयुक्त राष्ट्र अन्तरिम बलको जनादेश नवीकरण गर्न अन्तर्राष्ट्रिय समर्थनको आवश्यकता रहेको बताए ।
लेबनानी प्रधानमन्त्री नवाफ सलामले पनि ब्यारेकसँग क्षेत्रीय अवस्थाको बारेमा छलफल गरे । सलामले शान्तिप्रति लेबनानको दृढ प्रतिवद्धतामा जोड दिए । लेबनानी भूभागमा पूर्ण सार्वभौमसत्ता कायम राख्न सरकारको प्रतिवद्धता दोहोर्याए । उनले अन्तर्राष्ट्रिय समुदायलाई लेबनानी भूभागबाट पूर्ण रूपमा फिर्ता हुन इजरायललाई दबाब दिन आग्रह गरे ।
प्रकाशित मिति: ७ असार २०८२, शनिबार
